શ્રૈષ્ઠ શિક્ષક સન્માન કાર્યક્રમ

            શિક્ષણની સાધના, આરધના અને ઉપાસનાનો કાર્યક્રમ સાબરકાંઠા જિલ્લાના વડાલી શારદા હાઇસ્કૂલ ખાતે ઔધોગિક વિકાસ નિગમના ચેરમેન શ્રી બળવંતસિંહ રાજપૂતની ઉપસ્થિતિમાં યોજાયો હતો.

                  સાબરકાંઠા જિલ્લા શિક્ષણ પરીવાર દ્વારા આયોજીત શ્રૈષ્ઠ શિક્ષક સન્માન કાર્યક્રમમાં પ્રસંગોચિત ઉદ્દબોધન કરતા ઔધોગિક વિકાસ નિગમના ચેરમેન શ્રી બળવંતસિંહ રાજપૂતે જણાવ્યું હતું કે, પ્રમાણિક અને પારદરર્શિતાના પદાર્થપાઠથી બાળકના શિક્ષણનો પ્રારંભ થાય છે. શિક્ષકને ઇશ્વરના સાક્ષાત્કાર સ્વરૂપ ગણાવતા જણાવ્યું હતુંકે, શિક્ષક પ્રત્યે સમાજની અપેક્ષા વધુ હોય છે કેમ કે, સમાજ ઘડતર સાથે રાષ્ટ્રનિર્માણની જવાબદારી શિક્ષકના શિરે હોય છે. તેમણે શિક્ષકને એક વિધાર્થી ધડતર કરનાર હોવાનું ઉમેર્યુ હતું.

             પ્રાસંગિક પ્રવચન કરતા પૂર્વ અધ્યક્ષ શ્રી રમણલાલ વોરાએ જણાવ્યું હતું કે,પ્રાચીન સમયમાં વટપલ્લી નગરી એટલે કે હાલનું વડાલી નગર શિક્ષણ નગરી તરીકે ખ્યાતનામ હતી. આજના હરીફાઇના યુગમાં પણ  બાળકોને ગુણવત્તા સભર  શિક્ષણ આપવાનું  કામ સાબરકાંઠા જિલ્લાના શિક્ષકો રાજયના જુદા-જુદા જિલ્લાઓમાં કરી રહ્યા છે. તેમણે રાજયની પ્રવર્તમાન શિક્ષણની રૂપરેખા આપતા ઉમેર્યુ હતું કે, રાજયમાં છેલ્લા થોડા વર્ષ દરમિયાન ૭૫૦૦થી વધુ શિક્ષકોની ભરતી કરવામાં આવી છે. આ ઉપરાંત શાળાઓમાં પાયાની સુવિધાઓ ઉભી કરવામાં આવી છે. એક શિક્ષક તરીકે આપણે કેમ શ્રેષ્ઠ વિધાર્થીનું નિર્માણ ન કરી શકિએ. તેમણે દરેક શિક્ષકને શ્રેષ્ઠ શાળા બનાવવા માટે પ્રોત્સાહિત કર્યા હતા. 

        આ પ્રસંગે સાબરકાંઠા જિલ્લાના શ્રેષ્ઠ શિક્ષકો, પ્રવૃત શિક્ષકોનો સેવાલાભ અને નિવૃત શિક્ષકોનો સન્માન તથા ૧૨૩ સારસ્વતોને પૂર્ણ પગારના કાયમી ઓર્ડર તેમજ ૬  તાલુકા/જિલ્લા કક્ષાના શ્રેષ્ઠ શિક્ષકોનું સન્માન મહેમાનોના હસ્તે કરવામાં આવ્યું હતું.

         જિલ્લા પ્રાથમિક શિક્ષણાધિકારી શ્રી આર.એસ.ઉપાધ્યાયે સમગ્ર જિલ્લામાં શિક્ષણક્ષેત્રે થયેલા વિકાસના કામોની રૂપરેખા આપી જિલ્લાના જ્ઞાનકુંજ અને શાળાકોષ પ્રોજેકટની વાત કરી મહેમાનોને સ્વાગત આવકાર આપ્યો હતો.

         શિક્ષક દિનની ઉજવણી પ્રસંગે ઇડરના ધારાસભ્ય શ્રી હીતુ કનોડીયા, જિલ્લા શિક્ષણ સમિતિના ચેરમેન શ્રી જયેશભાઇ પટેલ, જિલ્લા વિકાસ અધિકારી શ્રી સ્તુતિ ચારણ, વડાલી નગરપાલિકા પ્રમુખ શ્રીમતી સમતાબેન સગર, જિલ્લા અગ્રણી શ્રી અશોક જોષી, તખતસિંહ હડિયોલ, ગંગારામ પટેલ, રમણભાઇ પટેલ સહિત શહેરીજનો, શિક્ષણવિદ્દો તેમજ સારસ્વતમિત્રો મોટી સંખ્યામાં ઉપસ્થિત રહ્યા હતા.   

 

સાબરકાંઠા જિલ્લામાં પોષણ અભિયાનનો પ્રારંભ

જિલ્લાના કુપોષણના કંલકને નાથવા લોક જાગૃતિના કાર્યક્રમો યોજાશે

—————————————

       સમગ્ર રાજયભરમાં તા. ૧ સપ્ટેમ્બર, ૨૦૧૮ થી પોષણ અભિયાનની શરૂઆતા કરવામાં આવી છે જે અંતર્ગત સાબરકાંઠા જિલ્લામાં કુપોષણના કંલકને નાથવા અને જિલ્લાને સુપોષણયુક્ત બનાવવા સમગ્ર માસ દરમ્યાન લોકજાગૃતિના અભિયાન હાથ ધરવામાં આવશે.

            જિલ્લા વિકાસ અધિકારી શ્રી સ્તુતિ ચારણે જણાવ્યું હતું કે, બાળકોના પોષણ સાથે સંકળાયેલ તમામ વિભાગોન સાંકળી લઇ જન આંદોલનની શરૂઆત કરવામાં આવી છે. જેમાં સાબરકાંઠા જિલ્લામાં કુપોષિત બાળકોમાં ધટાડો થાય અને તેમની રોગ પ્રતિકારક શક્તિ વધે તે માટે પોષણ સેમિનાર, યુવા શક્તિ રેલી, મમતા દિવસ, બાળતુલા દિવસ, આંગણવાડી કેન્દ્રોમાં સ્વચ્છતા અભિયાન, પ્રભાત ફેરી, આરોગ્ય તપાસ, અન્ન પ્રાશન અને લોક જાગૃતિ કાર્યક્રમો યોજાશે. મહિલા અને બાળ વિકાસ વિભાગના ઉપક્રમે બાળ વિકાસલક્ષી વિવિધ ઉત્કર્ષ યોજનાઓનું અમલીકરણ કરવા માટે સહિયારા પ્રયાસો હાથ ધરવામાં આવશે એમ ઉમેર્યુ હતું.  

               જિલ્લા પંચાયત હોલ ખાતે પોષણ માસની ઉજવણી પ્રસંગે નાયબ જિલ્લા વિકાસ અધિકારી શ્રી દેસાઇ, પ્રોગામ ઓફિસર શ્રી શ્રીમાળી તેમન સંકલિત બાળ વિકાસ વિભાગના તમામ અધિકારી અને કર્મચારીઓને ઉપસ્થિત રહ્યા હતા.

હિંમતનગર માર્કેટયાર્ડ ખાતે અભયમ મહિલા સંમેલન યોજાયું

જિલ્લામાં અભયમ્ અને અન્યક્ષેત્રોમાં શ્રેષ્ઠ પ્રદાન કરનાર મહિલાઓનું સન્માન

              સાબરકાંઠા જિલ્લા વહીવટી તંત્રના ઉપક્રમે મહિલાઓના સર્વાંગી વિકાસ તથા મહિલા સુરક્ષાના ઉદ્દેશને અનુલક્ષી અભયમ્ મહિલા સંમેલન હિંમતનગરના માર્કેટ યાર્ડ ખાતે યોજાયું હતું.

        અભયમ્ મહિલા સંમેલનનું પોલીસ આવાસ નિગમના ચેરમેન શ્રી શ્રી ડી.ડી. પટેલે દીપ પ્રગટાવી ઉદ્વધાટન કર્યું હતું.

            જિલ્લામાંથી વિશાળ સંખ્યામાં ઉપસ્થિત મહિલાઓને ૧૮૧ અભયમ્ હેલ્પ લાઇન એપનું પ્રેઝન્ટેશન દ્વારા વિસ્તૃત માર્ગદર્શન આપી તમામ મહિલાઓને ૧૮૧ હેલ્પલાઇન ડાઉન લોડ કરવા જણાવ્યું હતું. ચેરમેન શ્રી ડી.ડી. પટેલે જણાવ્યું હતું કે, મહિલાઓના સશક્તિકરણ માટે મહિલાલક્ષી રાજય સરકારની યોજનાઓનો લાભ લઇ મહિલાઓ સન્માનભેર, સ્વાવલંબી પગભર અને ગૌરવપૂર્ણ જીવનની અધિકારી બને તે જરૂરી છે.  વધુમાં તેમણે ઉમેર્યુ હતું કે, સદીઓથી ભારતીય સંસ્કૃતિ અને સમાજના સર્વાંગી વિકાસમાં મહિલાઓનો ફાળો અતિ મહત્વનો રહ્યો છે. મહિલાઓની સુરક્ષા માટે ટેકનોલોજીના ઉપયોગથી ૧૮૧ અભયમ્ હેલ્પલાઇન દ્વારા રાજય સરકારે આગવી પહેલ કરી ગુજરાત સજ્જ બન્યું છે તેથી જ સ્ત્રીઓને અભયમ દ્વારા રક્ષા કવચ મળ્યુ છે એમ તેમણે ઉમેર્યુ હતું.

         આ પ્રસંગે મહાનુભાવોના હસ્તે ૧૮૧ અભયમ્ હેલ્પલાઇન દ્વારા શ્રેષ્ઠ કામગીરી કરનાર બહેનોનું પ્રમાણપત્ર આપી સન્માન કરવામાં આવ્યું હતું.

           મહિલા સંમેલનમાં હિંમતનગરના ધારાસભ્ય શ્રી રાજેન્દ્રસિંહ ચાવડા, પ્રાંતિજના ધારાસભ્ય શ્રી ગજેન્દ્રસિંહ પરમાર, જિલ્લા પંચાયતના પ્રમુખ શ્રીમતી રતનબેન સુતરીયા, જિલ્લા સમાહર્તા શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિ ચારણ, મહિલા અગ્રણી શ્રી કૌશલ્યાકુંવરબા, નિલાબેન પટેલ સહિત મોટી સંખ્યાં મહિલાઓ ઉપસ્થિત રહેલ.

 

સાબરકાંઠા જિલ્લામાં ચતુર્થ તબક્કાના સેવાસેતુનો પ્રારંભ 

સાબરકાંઠા જિલ્લામાં ચતુર્થ તબક્કાના સેવાસેતુનો પ્રારંભ

સામાન્ય નાગરીકોના પ્રશ્નોના ત્વરીત નિરકારણ માટે પ્રતિબધ્ધ રાજય સરકાર ધ્વારા સેવા સેતુના ચોથા તબક્કાના સમગ્ર રાજ્યવ્યાપી આજથી પ્રારંભ કરવામાં આવ્યો છે જે અતર્ગત સાબરકાંઠા જિલ્લાના પ્રાંતિજ તાલુકાના અમીનપુર ખાતેથી મહેસૂલ મંત્રી શ્રી કૌશિકભાઇ  પટેલ હસ્તે સેવાસેતુ કાર્યક્રમ ખુલ્લો મુકવામાં આવ્યો હતો. 

પ્રસંગોચિત ઉદ્દબોધન કરતા મંત્રી શ્રી કૌશિકભાઇ પટેલ જણાવ્યું હતુ કે, સમગ્ર રાજયમાં મુખ્યમંત્રી શ્રી વિજયભાઇ રૂપાણીના નેતૃત્વમાં પારદર્શક વહિવટની શરૂઆત થઇ છે જેમાં પ્રજાના પ્રશ્નોનો ત્વરીત નિરાકરણ આવે તે માટે સેવાસેતુનો અનોખો અભિગમ શરૂ કરવામાં આવ્યો છે. જેમાં અગાઉના ત્રણ  તબક્કામાં સાબરકાંઠા જિલ્લામાં ૬૦ હજારથી વધુ લાભાર્થીઓને ઘરે બેઠા યોજનાકીય લાભ આપી લાભાન્વિત કરવામાં આવ્યા છે. સેવાસેતુના માધ્યમથી ગામડાની ગરીબ પ્રજાને તાલુકા કે જિલ્લાના મુખ્ય મથક સુધી જવુ ન પડે તે માટે ૫૦ પ્રકારની વિવિધ યોજનાકીય સહાયના લાભ ધરે બેઠા પુરા પાડવામાં આવે છે. આ સેવાનો લાભ લેવા ગ્રામજનોને જણાવ્યું હતું.

વધુમાં તેમણે ઉમેર્યુ હતું કે, ગ્રામીણ જનતાની સુવિધા વધારવાના રાજય સરકારનું પગલુ આવકાર દાયક છે. જેમાં કલસ્ટર વાઇઝ એરીયાથી શરૂ કરી છેક છેવાળાના લોકો સુધી આ સેવાનો લાભ મળશે તેમ તેમણે ઉમેર્યુ હતું.

સેવા સેતુ કાર્યક્રમ દરમિયાન વિવિધ યોજનાકીય સહાયના લાભાર્થીઓને સહાયના ચેક તથા કિટસ મંત્રીશ્રી તથા મહાનુભવોના હસ્તે અપર્ણ કરવામાં આવ્યા હતા.

કાર્યક્રમમાં સાસંદ શ્રી દિપસિંહ રાઠોડ, ધારાસભ્ય શ્રી ગજેન્દ્રસિંહ પરમાર,પૂર્વ મંત્રી શ્રી જયસિંહ ચૌહાણ, જિલ્લા સમાહર્તા શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિ ચારણ, પોલીસ અધિક્ષક શ્રી ચૈતન્ય માંડલિક સહિત આસપાસ ગામના સરપંચો તેમજ મોટી સંખ્યામાં લાભાર્થીઓ ઉપસ્થિત રહ્યા હતા.  

સાબરકાંઠા જિલ્લાના પ્રાંતિજના નવાપુરા ગામના ૩૨ આવાસોનું ઇ-લોકાપર્ણ

નવાપુરાના આવાસ યોજનાના લાભાર્થી સાથે પ્રધાનમંત્રી શ્રી નરેન્દ્રભાઇ મોદી સાધ્યો સંવાદ

 

          દેશના પ્રધાનમંત્રીશ્રી નરેન્દ્રભાઇ મોદી વલસાડ જિલ્લાના જુજવા ગામેથી સમગ્ર રાજયના ૧.૫૧ લાખ આવાસોનું ઇ-ગૃહ પ્રવેશ કરાવ્યો હતો જે અંતર્ગત સાબરકાંઠા જિલ્લાના પ્રાંતિજના નવાપુરાના ૩૨ લાભાર્થીઓને ઇ-ગૃહ પ્રવેશ કરાયો હતો.

       પ્રધાનમંત્રી આવાસ યોજના અંતર્ગત સાબરકાંઠા જિલ્લામાં રૂ. ૬૧.૩૯ કરોડના ખર્ચે ૪૧૦૮ આવાસોનું નિર્માણ કરવામાં આવ્યું છે. જે અંતર્ગત પ્રાંતિજ તાલુકાના સીતવાડા નજીકના નવાપરા ગામના ૩૨ લાભાર્થીઓનો સમાવિષ્ટ થાય છે. જેનું પ્રધાનમંત્રીશ્રી નરેન્દ્રભાઇ મોદી વલસાડ ખાતેના કાર્યક્રમથી ઇ-ગૃહ પ્રવેશ કરાવી નવાપુરા ગામના પ્રધાનમંત્રી આવાસ યોજનાના લાભાર્થી કેશરબા ચૌહાણ સાથે વીડીયો કોન્ફરન્સના માધ્યમથી સંવાદ સાધ્યો હતો અને આવાસ યોજનાથી થયેલા લાભ અંગે વિગતે વાત કરી હતી.

       ઇ-ગૃહ પ્રવેશ કાર્યક્રમમાં પ્રાંતિજના ધારાસભ્ય શ્રી ગજેન્દ્રસિંહ પરમાર, પૂર્વ મંત્રી શ્રી જયસિંહ ચૌહાણ, જિલ્લા પંચાયતના પૂર્વ પ્રમુખ શ્રી જયેન્દ્રસિંહ રાઠોડ, જિલ્લા સમાહર્તા શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિ ચારણ સહિત અન્ય અધિકારીઓ અને ગ્રામજનો મોટી સંખ્યામાં ઉપસ્થિત રહ્યા હતા.

 

સાબરકાંઠા જિલ્લા પંચાયત ખાતે સ્‍વાતંત્રય પર્વની ઉજવણી

        સાબરકાંઠા જિલ્લા પંચાયતનાં પટાંગણમાં જીલ્લા પંચાયત પ્રમુખશ્રી શ્રીમ‍િતિ રતનબેન સુતરીયાના વરદહસ્તે ધવ્જવંદન સમારોહ ઉજવાયો. આ કાર્યક્રમમાં નાયબ જીલ્લા વિકાસ અધિકારીશ્રી શ્રી એ.એમ.દેસાઇ, જીલ્લા પંચાયતના સદસ્યશ્રીઓ, અધિકારીશ્રીઓ અને કર્મચારીઓ ઉપસ્થિત રહેલ. તાલુકા પ્રાથમિક શાળા, હિમતનગરનાં બાળકોએ આ પ્રસંગે દેશભક્તિના ગીતોની સુરાવલીઓ સાથે નૃત્ય રજુ કરેલ. ઉપસ્થિત તમામ બાળકોને પ્રમુખશ્રી અને મંચસ્થ મહાનુભાવોએ ઇનામ આપી પ્રોત્સાહિત કરેલ.

 

ખેડબ્રહ્મા ખાતે ૭૨માં સ્વાતંત્રય પર્વની દબદબાભેર ઉજવણી કરાઇ

        સાબરકાંઠાનો જિલ્લાકક્ષાનો સ્વાતંત્ર્ય પર્વ ખેડબ્રહ્માની જયોતિ હાઇસ્કૂલ  ખાતે યોજાયો જયાં મહિલા અને બાળ કલ્યાણ રાજય મંત્રી શ્રી વિભાવરીબેન દવેએ ધ્વજવંદન કરાવી પરેડનું નિરીક્ષણ કર્યુ હતું.

         રાષ્ટ્રીય પર્વ  નિમિત્તે સાબરકાંઠા વાસીઓને સ્વાતંત્ર્ય પર્વની શુભેચ્છા પાઠવી સંદેશો આપતા જણાવ્યું હતું કે, આઝાદીની જંગની ઇતિહાસમાં ગુજરાત અગ્રીમ રહ્યુ છે. એમાં મહાત્મા ગાંધી અને સરદાર વલ્લભભાઇ પટેલ ગુજરાતના સપૂત હતા આપણા માટે ગૌરવની વાત છે, રાષ્ટ્રીય પર્વોને વિશિષ્ટ રીતે ઉજવી પ્રજાજનો જોડાય તેવુ અનોખુ અભિયાન દેશના વડાપ્રધાન શ્રી નરેન્દ્રભાઇ મોદીએ શરૂ કરી રાષ્ટ્રીય પર્વોને લોકોત્સવ બનાવ્યા છે.

            મંત્રીશ્રી વિભાવરીબેન દવેએ આદિજાતીઓના સંર્વાગી વિકાસ માટે વનબંધુ કલ્યાણ યોજના અંતર્ગત રૂ ૭૦,૦૦૦ કરોડની ફાળવણી કરી હોવાનું ઉમેરી તેમને વિશેષ અધિકાર આપ્યા હોવાનું જણાવ્યું હતું. રાજય સરકારે પશુ સંરક્ષણ વિધેયક થકી ગૌ વંશ હત્યા અટકાવવાનું સુતત્ય પગલુ ભર્યુ છે જયારે ગુજરાતના યુવાધનને નશાની ખુવારીથી બચાવવા નશાબંધીનો કડક કાયદો અમલમાં મુક્યો હોવાનું જણાવ્યું હતું

           મંત્રી શ્રીએ ખેડબ્રહ્મા તાલુકાના વિકાસની વાત કરતા ઉમેર્યુ હતું કે, આદિજાતિઓના સંર્વાગી વિકાસ માટે હિંમતનગરથી પવિત્ર યાત્રાધામ અંબાજીને જોડતા ખૂબ જ અગત્યના રાજય ધોરીમાર્ગનં-૯નું વિસ્તૃતિકરણ હાથ ધરીને પ્રવાસીઓના મુસાફરીમાં વધારો કરવામાં આવ્યો છે. જેમાં હિંમતનગર,ઇડર અને ખેડબ્રહ્માના રોડને ફોરલેઇન બનાવવા તેમજ હાથમતી અને વેકરી બ્રિજ તેમજ હરણાવ અને સાબરમતી બ્રિજને પહોળો કરવા રૂ.૨૦૦ કરોડનો ખર્ચ કરવામાં આવ્યો છે. જયારે જિલ્લાના અંતરીયાળ એવા પોશીના તાલુકામાં ગ્રામ્ય વિસ્તારને જોડતા ૭ નવા પુલોને રૂ. ૩૩૪૮ લાખના ખર્ચે નિર્માણ કરીને ગામલોકોને તાલુકામથક સુધી જોડાણ વધારી દિધુ છે.  તો વળી રૂ. ૨૯૫૦ લાખના ખર્ચે જિલ્લાના અન્ય ગામોને શહેર સુધી જોડવામાં આવ્યા છે. જયારે રૂ. ૫૪૨૪ લાખના ખર્ચે રસ્તાઓનું રીસરફેશન કરવામાં આવ્યું છે. વળી ગુજરાત ગૌરવ દિને સમગ્ર રાજ્ય વ્યાપી સુજલામ સુફલામ જળસંચયના અભિયાનમાં ૪૦થી વધુ સામાજિક-સ્વૈચ્છિક-શૈક્ષણિક સંસ્થાઓઉધોગો, માર્કેટયાર્ડ અને સેવા સહકારી મંડળીઆને જોડતા રૂ. ૫૦ લાખ વધુનું અનુદાન પ્રાપ્ત થયું છે જિલ્લાના ૫૧૧ જળ સંચયના કામો પૂર્ણ કરાતા જિલ્લામાં ૭૨ મિલીયન.ધ.ફુટ પાણીના સંગ્રહમાં વધારો થયો છે. જયારે દૂધ સંજીવની યોજના અંતર્ગત જિલ્‍લાના આદિવાસી વિસ્‍તાર એવા વિજયનગર, ખેડબ્રહ્મા તથા પોશીના તાલુકાની જેમાં પ્રાથમિક શાળા- આશ્રમ શાળઓના ૬૮,૮૩૪ જેટલા બાળકોને દૂધ પુરૂ પાડી કુપોષણ દૂર કરવાનો સુતત્ય પ્રયાસ કરવામાં આવી રહ્યો છે. જિલ્‍લાના આદિવાસીના સંર્વાગી વિકાસ માટે વનબંધુ કલ્‍યાણ યોજના અંતર્ગત આદિવાસી ગરીબ ખેડૂતોને રાહત દરે બિયારણ અને ખાતર મળી રહે તે માટે સનસાઇન પ્રોજકટ અંતર્ગત ૪૬૨૮ થી વધુ લાભાર્થીઓને  મકાઇ બિયારણ, રાસાયણિક ખાતર વિગેરે પુરા પાડી કૃર્ષિ ઉત્‍પાદનમાં  બમણાથી વધારે ઉત્‍પાદન કરી આર્થિક રીતે સધ્‍ધર કરવાનો રાજય સરકાર દ્વારા ખાસ પ્રયત્ન હાથ ધરવામાં આવ્યો છે. 

                તેમણે ખેડૂતોની વાત કરતા ઉમેર્યુ હતું કે સમગ્ર દેશમાં ગુજરાત એકમાત્ર એવુ રાજય છે જે ખેડૂતોને વગર વ્યાજે ધિરાણ પુરૂ પાડે છે અને ૧૦ કલાક વિજળી પુરી પાડે છે. રાજય સરકારે બિન અનામત આયોગની રચના કરી સર્વણ વિધાર્થીઓને ઉચ્ચ અભ્યાસ માટે શૈક્ષણિક અને આર્થિક લાભ આપવાની શરૂઆત કરી છે. રાજયની પ્રગતિશીલ સરકારે વિકાસના અનેક સોપાન સર કર્યા હોવાનું મંત્રી શ્રીએ ઉમેર્યુ હતું.

          રાજયની પ્રજાના પ્રશ્નો અને સમસ્યાઓ તેમના ઘર આંગણે જઇ વિના વિલંબે  નિરાકરણ લાવવા સેવા સેતુના માધ્યમથી ૧૮,૦૦૦ ગામડાઓમાં એક કરોડથી વધુ અરજીઓનો હકારત્મક નિકાલ લાવવામાં આવ્યો હોવાનું જણાવ્યું હતું. રાજય સરકારે બાલિકાઓની ચિંતા કરી બાલભોગ અને અન્નપૂર્ણા યોજના થકી કુપોષણના કલંકને નાથવાની વાત જણાવી તેમના આરોગ્યની ચિંતા રાજય સરકાર કરી રહી હોવાનું પણ જણાવ્યું હતું.

                 રાજય સરકાર લોકાના આરોગ્યની દરકાર કરી ગંભીર બિમારીઓ સામે રક્ષણ આપવા મા વાત્સલ્ય યોજનાને વધુ અસરકારક બનાવી હોવાનું જણાવ્યું હતું.. આમ ગુજરાત વિકાસની નવી સિધ્ધિઓને સર કરી રહ્યુ છે ત્યારે સૌ સાબરકાંઠા વાસીઓ એક ભારત શ્રેષ્ઠ ભારતના નિર્માણ માટે કટીબધ્ધ બનવા આહ્વાન કર્યું હતું. 

           ખેડબ્રહ્મા તાલુકાના વિકાસ કામો માટે રૂ. ૨૫ લાખનો ચેક મંત્રીશ્રીના હસ્તે જિલ્લા સમાહર્તા શ્રી પ્રવિણા ડીકે તથા જિલ્લા વિકાસ અધિકારી શ્રી સ્તુતિ ચારણને અપર્ણ કરવામાં આવ્યો હતો. આ પ્રસંગે ખેડબ્રહ્માની શાળાના બાળકો ધ્વારા વિવિધ સાંસ્કૃતિ કૃતિઓ રજૂ કરવામાં આવી હતી.જયારે જિલ્લામાં વિશિષ્ટ સેવાઓ આપનાર કર્મયોગીઓનું મંત્રીશ્રીના હસ્તે સન્માન કરવામાં આવ્યું હતું. મંત્રીશ્રીએ તાલુકાની  વિવિધ કચેરીઓનું નિરીક્ષણ કર્યા બાદ મૉ અંબાના ચરણોમાં શિશ ઝુકાવી ગુજરાતના વિકાસની મનોકામના વ્યકત કરી હતી.

          રાષ્ટ્રીય પર્વની ઉજવણી પ્રસંગે સાસંદ શ્રી દિપસિંહ રાઠોડ, ઇડરના ધારાસભ્ય શ્રી હિતુ કનોડીયા, નગરપાલિકા પ્રમુખ શ્રીમતી ઝલકબેન, જિલ્લા સમાહર્તા શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિ ચારણ, જિલ્લા પોલીસ વડા શ્રી ચૈતન્ય માંડલિક સહિત અગ્રણી શ્રી જશુભાઇ પટેલ, અશોક જોષી ઉપરાંત નગરજનો મોટી સંખ્યામાં ઉપસ્થિત રહ્યા હતા.       

 

             

સાબરકાંઠા જિલ્લા કક્ષાના ૬૯મો વન મહોત્સવ ઇડર ખાતે યોજાયો

ઇડરના જૈન મંદિર “શાંતિ વન”નું નિર્માણ કરાયું.

સાંસ્કૃતિક ધરોહરને ઉજાગર કરવાનું કામ વન મહોત્સવે કર્યુ છે

ચેરમેન શ્રી બલવંતસિહ રાજપૂત

 

               સાબરકાંઠા જિલ્લા કક્ષાના ૬૯ મા વન મહોત્સવ ઇડરના ખાતે ગુજરાત ઔધોગિક વિકાસ નિગમના ચેરમેન શ્રી બલવંતસિંહ રાજપૂત તથા ગુજરાત રાજય બીન અનામત વર્ગ અને આર્થિક વિકાસ નિગમના ઉપાધ્યક્ષ શ્રી બી.એચ. ઘોડાસરાની ઉપસ્થિતિમાં ઉજવણી કરવામાં આવી હતી.

       અરવલ્લીની ગિરીકંદરા વચ્ચે દૈદિપ્યમાન   ઇડરના જૈન મંદિર ખાતે યોજાયેલ જિલ્લા કક્ષાના ૬૯માં વન મહોત્સવને ખુલ્લો મુકતા ઔધાગિક વિકાસ નિગમના ચેરમેન શ્રી બલવંતસિંહ રાજપૂતે જણાવ્યું હતું કે, તત્કાલીન મુખ્યમંત્રી અને હાલના પ્રધાનમંત્રી શ્રી નરેન્દ્રભાઇ મોદીએ જિલ્લાકક્ષાએ વન મહોત્સવની ઉજવણીની શરૂઆત કરી જિલ્લાની ઐતિહાસિક ધરોહરને ઉજાગર કરવાનું કાર્ય કર્યુ છે. રાજયના જિલ્લાઓમાં સાંસ્કૃતિક વનોનું નિર્માણ કરીને લોકોને રાષ્ટ્રીય ભાવના સાથે જોડવાનું કામ કર્યુ છે.

        પ્રાસંગિક પ્રવચન કરતા રાજય બીન અનામત વર્ગ અને આર્થિક વિકાસ નિગમના ઉપાધ્યક્ષ શ્રી બી.એચ. ઘોડાસરાએ જણાવ્યું હતું કે, ગ્લોબલ વોર્મિગના પડકારનો સામનો કરવા વૃક્ષોનું વાવેતર એ જ શ્રેષ્ઠ વિકલ્પ છે. તેમણે ભાવિ પેઢીને સારૂ પર્યાવરણ આપવાની જવાબદારી આપણા સૌની છે. રાજયમાં હાલ ૧૮ ટકા જ વૃક્ષ આચ્છાદિત વિસ્તાર છે. જેને વધારવાની જરૂરીયાત છે. વધુમાં તેમણે ઉમેર્યુ હતું કે, રાજયના મુખ્યમંત્રી શ્રી વિજયભાઇ રૂપાણી વન મહોત્સવની ૧૮મી શ્રુંખલા શ્રેણીમાં કચ્છ જિલ્લામાં રક્ષક વનનું  લોકાપર્ણ કરી સંસ્કૃતિને લોકભોગ્ય બનાવવાનું કામ કર્યુ છે.

        નાયબ વન સંરક્ષક શ્રી એન.પી. મેવાડાએ વન મહોત્સવનું મહાત્ય સમજાવી વન વિભાગની યોજનાઓની રૂપરેખા આપી મહેમાનોને સ્વાગત આવકાર આપ્યો હતો.

        આ પ્રસંગે નર્સરી ઉછેરની શ્રેષ્ઠ ઉછેર કામ કરનાર વ્યક્તિગત અને શૈક્ષણિક સંસ્થાઓનું સન્માન કરવામાં આવ્યું હતું જયારે ગ્રામિણ મહિલાઓને નિધૂર્મ ચુલાનું વિતરણ કરાયું હતું

        વન મહોત્સવમાંપ્રાંતિજના ધારાસભ્ય શ્રી ગજેન્દ્રસિંહ પરમાર, મહેસાણા વર્તુળ વિભાગના વન સંરક્ષક શ્રી એલ.જે.પરમાર, કલેકટર શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિ ચારણ, જિલ્લા અગ્રણી શ્રી પૃથ્વીરાજ પટેલ, જિલ્લા પંચાયત પૂર્વ પ્રમુખ રાજેન્દ્રસિંહ કુંપાવત સહિત વનકર્મીઓ અને નગરજનો મોટી સંખ્યામાં ઉપસ્થિત રહ્યા હતા.

 

ખેડબ્રહ્મા અને ઇડર તાલુકાના પ્રાન્ત કક્ષાના પડતર પ્રશ્નો અને ફરીયાદોનો નિકાલ કાર્યક્રમ યોજાયો.

           સાબરકાંઠા જિલ્લાના ખેડબ્રહ્મા અને ઇડર ખાતે પાણી પુરવઠા અને જિલ્લાના પ્રભારી મંત્રીશ્રી પરબતભાઇ પટેલના અધ્‍યક્ષસ્‍થાને પ્રાન્‍ત કક્ષાના પડતર પ્રશ્નો અને ફરીયાદોનો નિકાલ કાર્યક્રમ યોજાયો હતો. આ પ્રસંગે મંત્રીશ્રીએ જણાવ્‍યું કે રાજય સરકાર ખેડૂતો, શોષીતો અને વંચિતો અને આદીવાસીઓના લોકકલ્યાણના પ્રશ્નોના ઉકેલ માટે સંવેદનશીલ અભિગમ અપનાવી રહી છે. 

                

          મંત્રીશ્રીએ રાજય સરકારે પ્રજાકીય અભિગમ અપનાવી પ્રાંત કક્ષાએ સમીક્ષા બેઠક યોજીને વર્ષોથી પડતર પ્રશ્નોના ઉકેલ માટે આ કાર્યક્રમ હાથ ધર્યો છે. જેમાં પદાધિકારીઓ દ્વારા રજૂ થતા પ્રશ્નોનોનો અધિકારીઓ ત્વરાએ નિકાલ કરવામાં આવે તે દિશામાં કામગીરી કરવામાં આવે તેમ ભારપૂર્વક જણાવ્યું હતું.           

           ખેડબ્રહમા, વિજયનગર અને પોશીના તાલુકાના રસ્તા, વીજળી, પીવાના પાણી, એસ.ટી. બસની સુવિધા, શિક્ષકોની ઘટ પુરી કરવા, લોકોને પ્‍લોટ અને રેશનકાર્ડ આપવા અંગે, આવાસ યોજના, શૌચાલય સહાય, આરોગ્ય કેન્દ્રોમાં આરોગ્યની સુવિધાઓ, ખેતીના વીજ કનેકશનમાં પુરતા વોલ્ટેજ મળવા અંગે, તથા આદીવાસીઓને આપવા આવતી જમીનનોની સનદ જલ્દી મળી રહે તે અંગે રજૂઆત કરાઇ હતી. જયારે ઇડર તાલુકામા બાયપાસ રોડ, કુબાધરોલ ઉદ્દવહન સિંચાઇ થકી તળાવો ભરવા, ગેસના જોડાણ તથા શાળાના ઓરડા તથા આરોગ્ય કેન્દ્રના નિર્માણ સહિત પ્રશ્નો રજુ કરવામાં આવ્યા હતા. જેનો સમયમર્યાદામાં નિકાલ લાવવા મંત્રીશ્રીએ સંબંધિત અધિકારીઓને સુચના આપી હતી. પ્રશ્નો સાંભળી તેનો ઝડપથી હકારાત્મક ઉકેલ લાવવા અધિકારીઓને સુચના આપવામાં આવી છે. તેમણે કહ્યું કે આજે મોટાભાગના પ્રશ્નોનું સ્થળ પર જ નિરાકરણ કરવામાં આવ્યું છે. અમુક પ્રશ્નોના નિરાકરણ માટે નિશ્વિત સમયમર્યાદા આપવામાં આવી છે અને નીતિવિષય પ્રશ્નો સરકારશ્રીમાં રજુ કરી તેનો ઝડપથી ઉકેલ આવે તે દિશામાં કામગીરી કરવામાં આવશે તેમ તેમણે ઉમેર્યુ હતું.

 

          આ પ્રસંગે ઇડરના ધારાસભ્ય શ્રી હીતુ કનોડીયા,  પૂર્વ અધ્યક્ષ શ્રી રમણલાલ વોરા,પૂર્વ ધારાસભ્ય શ્રીમતી રમીલાબેન બારા, કલેકટરશ્રી પ્રવિણા ડી.કે,  જિલ્લા વિકાસ અધિકારીશ્રી સ્તુતિ ચારણ, પોલીસ અધિક્ષકશ્રી સૌરભસિંધ, ખેડબ્રહ્મા પ્રાંત અધીકારી શ્રી મોદી, ઇડર પ્રાંત અધીકારી શ્રી દેસાઇ, અગ્રણી જે.ડી.પટેલ, અશોક જોષી, તખતસિંહ હડીયોલ સહિત અગ્રણીઓ, અધિકારીઓ અને સારી સંખ્યામાં લોકો ઉપસ્થિત રહ્યા હતા.

 

પ્રાન્ત કક્ષાના પડતર પ્રશ્નો અને ફરીયાદોનો નિકાલ કાર્યક્રમ યોજાયો

               સાબરકાંઠા જિલ્લાના હિંમતનગર અને પ્રાંતિજ ખાતે પાણી પુરવઠા અને જિલ્લાના પ્રભારી મંત્રીશ્રી પરબતભાઇ પટેલના અધ્‍યક્ષસ્‍થાને પ્રાન્‍ત કક્ષાના પડતર પ્રશ્નો અને ફરીયાદોનો નિકાલ કાર્યક્રમ યોજાયો હતો. આ પ્રસંગે મંત્રીશ્રીએ જણાવ્‍યું કે મુખ્‍યમંત્રીશ્રી વિજયભાઇ રૂપાણીના પારદર્શક વહિવટી કુશળતાને લઇ સમગ્ર રાજયમાં વણથંભી વિકાસયાત્રા સફળતાપૂર્વક આગળ વધી રહી છે. વધુમાં તેમણે ઉમેર્યુ હતું કે સરકારશ્રીની વિવિધ કલ્‍યાણકારી યોજનાઓના લાભ અંતરિયાળ કે છેવાડાના વિસ્‍તારો અને વ્‍યક્તિઓ સુધી સરળતાથી અને પુરતા પ્રમાણમાં પહોંચે તે માટે પરિણામદાયી પ્રયાસો કરવા ઉપરાંત પ્રજાકિય પ્રશ્નોના ઉકેલ માટે રાજય સરકાર પ્રતિબધ્ધ હોવાનું તેમણે ઉમેર્યુ હતું.

          મંત્રીશ્રી એ હિંમતનગર પ્રાંતકક્ષાએ મળેલી બેઠકમાં રસ્તા, વીજળી, ગામતળ નીમ કરવા, પીવાના પાણી અંગે, મકાન સહાય મંજુર કરવા, બીપીએલ યાદીમાં સમાવેશ, ફુલવાદી જાતિના લોકોને જાતિના પ્રમાણપત્ર આપવા અંગે,  આરોગ્ય કેન્દ્રોમાં આરોગ્યની સુવિધાઓ, સિંચાઇ માટે તળાવો ભરવા, નવા રસ્તાઓમાંથી થાંભલાઓ ખસેડવા, આંતરીક રોડ, સ્ટ્રીટ લાઇટ, શૌચાલય, સ્મશાનભૂમિ નીમ કરવા સહિત પ્રશ્નો રજુ કરવામાં આવ્યા હતા. જેનો સમયમર્યાદામાં નિકાલ લાવવા મંત્રીશ્રીએ સંબંધિત અધિકારીઓને સુચના મળી હતી.

               હિંમતનગર પ્રાંતકક્ષાની સમીક્ષા બેઠક દરમિયાન હિંમતનગરના ધારાસભ્ય શ્રી રાજેન્દ્રસિંહ ચાવડા, જિલ્લા ભાજપ પ્રમુખ શ્રી જે.ડી પટેલ, પૂર્વ સાસંદ ડૉ. મહેન્દ્રસિંહ ચૌહાણ, પૂર્વ ધારાસભ્ય શ્રી નાથાભાઇ પટેલ, સાબર ડેરીના કસ્ટોડીયન શ્રી જેઠાભાઇ પટેલ સહિતના અગ્રણીઓ તથા પ્રાંતિજ સમીક્ષા બેઠકમાં પૂર્વ મંત્રી શ્રી  જયસિંહ ચૌહાણ, ધારાસભ્ય શ્રી ગજેન્દ્રસિંહ પરમાર, સાબરકાંઠા બેંકના ચેરમેન શ્રી મહેશભાઇ પટેલ સહિત કલેકટર શ્રી પ્રવિણા ડી.કે, જિલ્લા વિકાસ અધિકારી શ્રી સ્તુતિચારણ સહિત અમલીકરણ અધિકારીઓ અને અગ્રણીઓ હાજર રહ્યા હતા.  

 

1 2 3 5